വൈക്കം: വിഷരഹിത പച്ചക്കറികളും പച്ചക്കറി വിത്തുകളുമായി ഉദയനാപുരം പഞ്ചായത്തിൽ ഇക്കോഷോപ്പിൻ്റെ പ്രവർത്തനം തുടങ്ങി. ജൈവകൃഷിയെ പ്രോത്സാഹിപ്പിക്കുകയും ഒപ്പം വിഷരഹിത പച്ചക്കറികൾ ലഭ്യമാക്കുകയും ചെയ്യുക എന്ന ലക്ഷ്യവുമായാണ് ഇക്കോഷോപ്പുകളുടെ പ്രവർത്തനം. കാർഷിക വികസന കർഷകക്ഷേമവകുപ്പ് കൃഷി ഭവൻ വഴിയാണ് ഇക്കൊ ഷോപ്പുകൾ തുറക്കുന്നത്.

ഉദയനാപുരം പഞ്ചായത്തിൽ തുറന്ന ഇക്കോഷോപ്പ് വികസന കാര്യസ്റ്റാൻഡിംഗ് കമ്മറ്റി ചെയർമാൻ കെ. ദീപേഷ് ഉദ്ഘാടനം ചെയ്തു. വാർഡ് പഞ്ചായത്തംഗം മിനി മനക്കൽ പറമ്പിൽ അദ്ധ്യക്ഷത വഹിച്ചു. വി.ബിൻസ്, സി.ഡി.എസ് ചെയർപേഴ്സൺ ശ്രീപ്രീയ, വി.ഇ.ഒ മാരായ പ്രജിത, ബിജു മാത്യു , കൃഷി അസിസ്റ്റൻ്റ് സുധീർ എന്നിവരും ചടങ്ങിൽ പങ്കെടുത്തു.