വൈക്കം: കൊച്ചങ്ങാടി ആഞ്ജനേയമഠം ശ്രീരാമ ആഞ്ജനേയ ദേവീ ക്ഷേത്രത്തില്‍ ദേവിക്ക് പൊങ്കാല സമര്‍പ്പണവും വടക്കുപുറത്ത് വലിയഗുരുതിയും ഭക്തിനിര്‍ഭരമായ ചടങ്ങുകളോടെ നടത്തി. അനുഷ്ഠാന വാദ്യങ്ങളുടെ അകമ്പടിയോടെ നടത്തിയ വടക്കുപുറത്ത് വലിയഗുരുതിയുടെ ചടങ്ങുകള്‍ക്ക് ക്ഷേത്രം മേല്‍ശാന്തി പ്രവീക്ഷിന്‍ മുഖ്യ കാര്‍മ്മികനായിരുന്നു. രാവിലെ ഗണപതിഹോമം, അഭിഷേകം, പ്രത്യേക പൂജകള്‍, എന്നിവ നടത്തി. കുരുത്തോലകള്‍ കൊണ്ട് അലങ്കരിച്ച ഗുരുതി കളത്തില്‍ ഭഗവതിയെ പ്രകീര്‍ത്തിച്ചുക്കൊണ്ടുള്ള ദീപാരധന പൂജകള്‍ നടത്തി. വൈകിട്ട് ഗണപതിഹോമവും, ലളിതാസഹസ്ര നാമാര്‍ച്ചനയും, വിശേഷാല്‍ ദീപരാധനയും നടത്തി. നൂറുക്കണക്കിന് ഭക്തര്‍ ഭഗവതിയുടെ അനുഗ്രഹങ്ങള്‍ക്കായ് പ്രാര്‍ത്ഥിച്ച് കൈകൂപ്പി നിന്നു. ഗുരുതിക്കുശേഷം നട അടക്കുന്ന ആചാരമാണ് ഇവിടെ. 12ന് നടതുറന്ന് നിത്യ പൂജകള്‍ തുടങ്ങും. ചടങ്ങുകൾക്ക് ക്ഷേത്രം പ്രസിഡന്റ് കെ. പ്രകാശന്‍, സെക്രട്ടറി പി. ബാലകൃഷ്ണപിള്ള, പി.കെ. രാജന്‍, സുരേഷ് ചിങ്ങറോത്ത്, രമ മനോഹരൻ എന്നിവര്‍ നേതൃത്വം നല്‍കി.