മലയാളി വിനോദ യാത്രാ സംഘം സഞ്ചരിച്ച വാഹനം അപകടത്തിൽപെട്ടു മൂന്നര വയസുകാരൻ അടക്കം 3 പേർക്ക് ദാരുണാന്ത്യം

ഗുണ്ടൽപേട്ട്: ഊട്ടിക്ക് പോയ മലയാളി വിനോദ യാത്രാ സംഘം സഞ്ചരിച്ച വാഹനം അപകടത്തിൽപെട്ട് മൂന്നര വയസുകാരൻ അടക്കം 2 പേർക്ക് ദാരുണാന്ത്യം. കർണാടക ഗുണ്ടൽപേട്ടിൽ വച്ചാണ് അപകടം ഉണ്ടായത്. കണ്ണൂർ സ്വദേശികളായ മുനീർ (30), മുനീറ (45) മോഹിസ് സിദ്ദാൻ (മൂന്നര) എന്നിവരാണ് മരിച്ചത്. ഊട്ടിയിലേക്ക് വിനോദയാത്രക്ക് പോവുകയായിരുന്ന ഏഴ് പേരായിരുന്നു വാഹനത്തിൽ ഉണ്ടായിരുന്നത്. മറ്റുള്ള യാത്രക്കാർക്ക് പരിക്കേറ്റു ഇവരെ സമീപത്തുള്ള ആശുപത്രിയിൽ പ്രവേശിപ്പിച്ചു. ഇവർ സഞ്ചരിച്ചിരുന്ന കാർ ലോറിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ കാർ പൂർണമായും തകർന്ന നിലയിലായിരുന്നു. നാട്ടുകാരും ഫയർഫോഴ്‌സും പൊലീസും ചേർന്നാണ് ഏറെ പരിശ്രമിച്ച് കാർ വെട്ടിപൊളിച്ച് യാത്രക്കാരെ പുറത്തെടുത്തത്. ഇതിൽ ഒരു കുട്ടിയുടെ നില അതീവ ഗുരുതരമാണ്