ഓളി സർക്കാർ യു.പി സ്കൂളിൽ കഞ്ഞിപ്പുര ഉദ്ഘാടനം ചെയ്തു

വൈക്കം: ഉദയനാപുരം പഞ്ചായത്ത് ഓളി സർക്കാർ യു.പി സ്കൂളിൽ ബ്ലോക്ക് പഞ്ചായത്ത് നിർമ്മിച്ച പുതിയ കഞ്ഞിപ്പുര തുറന്നു. ബ്ലോക്ക് പഞ്ചായത്ത് പ്രസിഡൻ്റ് കെ.കെ. ശശികുമാർ ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് കെ.ജി. രാജു അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷന്മാരായ പി.വി ഹരിക്കുട്ടൻ പി.എസ്. പുഷ്പമണി ബ്ലോക്ക് പഞ്ചായത്ത് അംഗം രഞ്ജിത, സ്കൂൾ പ്രഥമ അദ്ധ്യാപിക ഷീന തുടങ്ങിയവർ പങ്കെടുത്തു. വൈക്കം ബ്ലോക്ക് പഞ്ചായത്ത് 2024-25 വാർഷിക പദ്ധതിയിൽ ഉൾപ്പെടുത്തി 5 ലക്ഷം രൂപ ഉപയോഗിച്ചാണ് കഞ്ഞിപ്പുരയുടെ നിർമ്മാണം പൂർത്തിയാക്കിയത്.