വൈക്കം: വൈക്കം മാനേജ്‌മെന്റ് അസോസിയേഷന്റെ പതിനാറാമത് ജനറൽ ബോഡി യോഗം വൈക്കം റോട്ടറി കമ്മ്യൂണിറ്റി ഹാളിൽ വെച്ച് നടന്നു. യോഗത്തിൽ 2026-27 വർഷത്തേക്കുള്ള പുതിയ ഭാരവാഹികളെയും എക്‌സിക്യൂട്ടീവ് കമ്മിറ്റിയെയും തിരഞ്ഞെടുത്തു.

ഡോ.എൻ.കെ. ശശിധരൻ (പ്രസിഡന്റ്), രൂപേഷ് ആർ. മേനോൻ (സെക്രട്ടറി ജനറൽ), രാജു എം. (ട്രഷറർ), കെ. പി. ശിവജി, ഗീതാദേവി കെ.എസ്. (വൈസ് പ്രസിഡന്റുമാർ), ഷിജോ മാത്യു (സെക്രട്ടറി അഡ്മിൻ), മനോജ് കുമാർ പി. ജി. (സെക്രട്ടറി പ്രോഗ്രാം), സുരേഷ് ടി. ആർ. (സെക്രട്ടറി പി.ആർ.) എന്നിവരെ തിരഞ്ഞെടുത്തു.

കൂടുതൽ പ്രവർത്തനങ്ങളിലൂടെ വരും വർഷങ്ങളിൽ പ്രസ്ഥാനത്തെ കൂടുതൽ ഊർജ്ജസ്വലമാക്കാൻ യോഗത്തിൽ പങ്കെടുത്ത അംഗങ്ങൾ തീരുമാനിച്ചു. ചടങ്ങിൽ, 2025 മേയ് 25-ന് നടന്ന പതിനഞ്ചാമത് ജനറൽ ബോഡി യോഗത്തിന്റെ മിനിറ്റ്‌സ് അംഗീകരിക്കുകയും സെക്രട്ടറി ജനറൽ വാർഷിക റിപ്പോർട്ടും ട്രഷറർ ഓഡിറ്റ് റിപ്പോർട്ടും അവതരിപ്പിക്കുകയും ചെയ്തു. ചർച്ചകൾക്ക് ശേഷമാണ് റിപ്പോർട്ടുകൾക്ക് യോഗം അംഗീകാരം നൽകിയത്.