​വി.ഡി സതീശൻ മുഖ്യമന്ത്രിയാകണം; കുറുപ്പന്തറയിൽ പെട്രോളൊഴിച്ച് ഭീഷണി മുഴക്കി ഓട്ടോ ഡ്രൈവർ

കോട്ടയം: വി.ഡി സതീശനെ തന്നെ മുഖ്യമന്ത്രിയാക്കണമെന്ന് ആവശ്യപ്പെട്ടും കോൺഗ്രസ് പ്രവർത്തകർ ജയിച്ചു കഴിഞ്ഞ് തമ്മിൽ തല്ലുന്നതിൽ പ്രതിഷേധം അറിയിച്ചും കോട്ടയം കുറുപ്പതറയിൽ റോഡിൽ ഒരു ആത്മഹത്യ പ്രകടനം.

പ്രദേശത്തെ ഓട്ടോ ഓടിക്കുന്ന ഫ്രാൻസിസ് എന്നയാളാണ് തന്റെ പെട്ടി ഓട്ടോയിൽ കയറി ദേഹത്ത് പെട്രോൾ ഒഴിച്ച് ആത്മഹത്യാഭീഷണി പ്രകടനം നടത്തിയത്. സംഭവം അറിഞ്ഞ പോലീസ് സ്ഥലത്തെത്തിയിരുന്നു. പതിനഞ്ച് മിനിറ്റോളം ആത്മഹത്യാ ഭീഷണി പ്രകടനം നടത്തിയ ശേഷം കയ്യിൽ കരുതിയ പെട്രോൾ പോലീസിനെ ഏൽപ്പിച്ചു. പിന്നെ ഓട്ടോയിൽനിന്ന് താഴെയിറങ്ങി. അപകടം ഒഴിവാക്കാൻ ഇയാളുടെ വസ്ത്രങ്ങൾ ഊരി സുരക്ഷിതമാക്കിയ ശേഷമാണ് പോലീസ് പിൻവാങ്ങിയത്. തന്റെ പ്രകടനം കാണാൻ എത്തിയവർക്ക് നന്ദിയും സതീശന് ഒരിക്കൽ കൂടി പിന്തുണ അറിയിച്ച ശേഷമാണ് ഓട്ടോറിക്ഷയുടെ പിന്നിൽ കയറി ഇയാൾ പോലീസ് സ്റ്റേഷനിലേക്ക് മടങ്ങിയത്.