കോടതി വളപ്പിൽ പച്ചക്കറി കൃഷിയുടെ ആദ്യ വിളവെടുപ്പ് നടന്നു

വൈക്കം: വൈക്കം കോടതി വളപ്പിൽ നടത്തിയ പച്ചക്കറി കൃഷിയുടെ ആദ്യ വിളവെടുപ്പ് നടന്നു. വൈക്കം മജിസ്ട്രേറ്റും താലൂക്ക് ലീഗൽ സർവീസസ് ചെയർപേഴ്സണുമായ അർച്ചന കെ. ബാബു, മുൻസിഫ് അഭിനിമോൾ രാജേന്ദ്രൻ എന്നിവർ ചേർന്നാണ് ആദ്യ വിളവെടുപ്പ് നടത്തിയത്. കോട്ടയം ജില്ലാ ലീഗൽ സർവീസ്അതോറിറ്റിയുടെയും വൈക്കം താലൂക്ക് ലീഗൽ സർവീസ് കമ്മിറ്റിയുടെയും ആഭിമുഖ്യത്തിലായിരുന്നു വൈക്കം കൃഷി ഭവന്റെ സഹകരണത്തോടു കൂടി വൈക്കം കോടതി വളപ്പിൽ പച്ചക്കറി കൃഷിയുടെ നടത്തിയത്.അഡീഷണൽ പബ്ലിക് പ്രോസിക്യൂട്ടർ ഷെജീന ബാപ്പുക്കുട്ടി, വൈക്കം താലൂക്ക് ലീഗൽ സർവീസ് കമ്മറ്റി സെക്രട്ടറി എം.പി. അശ്വനി കുമാർ, അനു ജോണി എന്നിവരും അഭിഭാഷകരും പാരാ ലീഗൽവാളന്റിയർമാരും വിളവെടുപ്പിൽ പങ്കാളികളായി. താലൂക്ക് ലീഗൽ സർവീസസ് കമ്മിറ്റി ചെയർപേഴ്സന്റെ മേൽനോട്ടത്തിൽ, താലൂക്ക് ലീഗൽ സർവ്വീസ്കമ്മിറ്റിയിലെ അഭിഭാഷകരും പാരാ ലീഗൽ വോളണ്ടിയർമാരും അടങ്ങുന്ന ഗ്രൂപ്പിൻ്റെ നേതൃത്വത്തിലാണ് കൃഷിയുടെ പരിചരണം.