വിവിധ അപകടങ്ങളിൽ 5 പേർക്ക് പരിക്കേറ്റു

പാലാ: വിവിധ അപകടങ്ങളിൽ പരിക്കേറ്റ 5 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. മോനിപ്പള്ളിയിൽ വച്ച് കാർ കലുങ്കിൽ ഇടിച്ചു നീലൂർ സ്വദേശി ഓമനയ്ക്കു (72) പരിക്കേറ്റു. രാവിലെ 10 മണിയോടെ മോനിപ്പള്ളിയിൽ വച്ചായിരുന്നു അപകടം. ഇന്നലെ വൈകിട്ട് ബസിൽ നിന്നിറങ്ങി വീട്ടിലേക്കു പോകുന്നതിനിടെ ബൈക്ക് വന്നിടിച്ചു തെറിച്ചു വീണു പള്ളം സ്വദേശികളായ ആഷ പ്രസ്റ്റ്ലി (42), അയോണ (15), പ്രസേലി (10) എന്നിവർക്കു പരിക്കേറ്റു. പള്ളത്തു വച്ചായിരുന്നു അപകടം, ഇന്നലെ രാവിലെ ചേർപ്പുങ്കൽ ഭാ​ഗത്തു വച്ച് കെ.എസ്.ആർ.ടി.സി ബസിൽ നിന്നു താഴെ വീണു കടപ്ലാമറ്റം സ്വദേശി പി.കെ.സണ്ണിക്ക് (74) പരിക്കേറ്റു.