വി.ഡി. സതീശൻ മുഖ്യമന്ത്രിയായതിൽ പാലഭിഷേകം നടത്തി ആഹ്ലാദപ്രകടനം

കടുത്തുരുത്തി: വി.ഡി. സതീശൻ മുഖ്യമന്ത്രിയായതിൽ വേറിട്ടൊരു ആഹ്ലാദപ്രകടനം കോട്ടയം കടുത്തുരുത്തിയിൽ നടന്നു. സ്വന്തം പെട്ടി ഓട്ടോറിക്ഷയുടെ പിന്നിൽ കയറി സ്വയം പാലഭിഷേകം നടത്തിയായിരുന്നു ഈ സന്തോഷ പ്രകടന യാത്ര നടന്നത്.

കുറുപ്പന്തറ സ്വദേശി ഫ്രാൻസിസ് ആണ് ഈ പാലഭിഷേക ആഹ്ലാദയാത്രയ്ക്ക് പിന്നിൽ. കടുത്തുരുത്തിയിൽ നിന്ന് കുറുപ്പന്തറ വരെയായിരുന്നു ഈ യാത്ര. വി.ഡി സതീശന് പിന്തുണയുമായി മുദ്രാവാക്യങ്ങൾ മുഴക്കിയായിരുന്നു ഫ്രാൻസിസിൻ്റെ പാലഭിഷേക യാത്ര നടന്നത്. വൈകിട്ടോടെ കടുത്തുരുത്തിയിൽ നിന്നും തുടങ്ങിയ യാത്ര സന്ധ്യയോടെയാണ് കുറുപ്പന്തറയിലെത്തിയത്. കുപ്പികളിൽ പാൽനിറച്ച് സ്വയം തലയിൽ ഒഴിച്ചായിരുന്നു യാത്ര. വിഡി സതീശൻ മുഖ്യമന്ത്രിയാകണമെന്ന് ആവശ്യപ്പെട്ട് കഴിഞ്ഞയാഴ്ച കുറുപ്പന്തറ കവലയിൽ സമാനരീതിയിൽ ഫ്രാൻസിസ് തൻ്റെ പെട്ടി ഓട്ടോറിക്ഷയുടെ പുറകിൽ കയറി നിന്ന് പെട്രോൾ ഒഴിച്ച് പ്രതിഷേധിച്ചിരുന്നു.