ടി.വി പുരം സേവാഭാരതിയുടെ സ്നേഹസ്പർശം: വൈക്കം ജനറൽ ആശുപത്രിയിലേക്ക് വീൽ ചെയറുകൾ കൈമാറി

വൈക്കം: സാന്ത്വനത്തിന്റെ പുതുവെളിച്ചം പകർന്ന് ടി.വി പുരം സേവാഭാരതി. മുതിർന്ന ആർ.എസ്.എസ് പ്രവർത്തകനായ മംഗളഭാനു, തന്റെ മകൻ ചന്തുവിന്റെ ഓർമ്മയ്ക്കായി സേവാഭാരതി ടി.വി പുരം പഞ്ചായത്തിന്റെ പേരിൽ വൈക്കം ജനറൽ ആശുപത്രിയിലേക്ക് മൂന്ന് വീൽ ചെയറുകൾ സംഭാവന ചെയ്തു. ആശുപത്രിയിൽ ചികിത്സയ്ക്കും പരിശോധനയ്ക്കുമായി എത്തുന്ന വയോധികർ, ഭിന്നശേഷിക്കാർ, മറ്റ് രോഗികൾ എന്നിവരുടെ യാത്രാക്ലേശം പരിഹരിക്കുക എന്ന ലക്ഷ്യത്തോടെയാണ് ഈ ഉദ്യമത്തിന് രൂപം നൽകിയത്.

ശനിയാഴ്ച രാവിലെ 10.30-ന് നടന്ന ചടങ്ങിൽ വൈക്കം ആർ.എം.ഒ. വീൽ ചെയറുകൾ ഏറ്റുവാങ്ങി. ചടങ്ങിൽ ആർ.എസ്.എസ് വൈക്കം മണ്ഡൽ കാര്യവാഹ് അർജുൻ ത്യാഗരാജൻ, സേവാഭാരതി ടി.വി പുരം പഞ്ചായത്ത് പ്രസിഡന്റ് വിജയപ്രതാപൻ, സെക്രട്ടറി വിനോദ്, സേവാഭാരതി ടി.വി പുരം മാനേജിംഗ് കമ്മിറ്റി അംഗങ്ങൾ തുടങ്ങിയവർ സന്നിഹിതരായിരുന്നു.