അംഗൺവാടികൾക്ക് പാചക പാത്രങ്ങൾ വാങ്ങി നൽകി

വൈക്കം: ഉദയനാപുരം പഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി 24 അങ്കണവാടികൾക്ക് അരലക്ഷം രൂപയുടെ പാചക പാത്രങ്ങൾ വാങ്ങി നൽകി. പദ്ധതി ജില്ലാ പഞ്ചായത്ത് അംഗം രാജേഷ് മേച്ചേരി ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് കെ.ജി. രാജു അദ്ധ്യക്ഷത വഹിച്ചു. അംഗൻവാടി സൂപ്പർവൈസർ സി.കെ. സുചിത്ര പദ്ധതി അവതരിപ്പിച്ചു. അരലക്ഷം രൂപയുടെ പാത്രങ്ങളാണ് വിതരണം ചെയ്തത്. പഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ, വികസന സ്റ്റാൻ കമ്മറ്റി ചെയർമാൻ കെ. ദീപേഷ്, ക്ഷേമകാര്യ സ്റ്റാൻ്റിംഗ്കമ്മറ്റി ചെയർപേഴ്സൺ ജസീനാ ഷാജുദ്ദീൻ, ടി.പി. രാജലക്ഷ്മി,ഷൈലജാ സതീശൻ, അജിതാ മധുക്കുട്ടൻ, പി.ആർ. ദേവലാൽ, കെ.ആർ. ലാലി തുടങ്ങിയവർ പ്രസംഗിച്ചു.