വൈക്കം: നഗരസഭ മൂന്നാം വാർഡിലെ സ്വകാര്യ വ്യക്തിയുടെ സ്ഥാപനത്തിൻ്റെ പുരയിടത്തിൽ അപകടകരമായി നിൽക്കുന്ന മരം വെട്ടി നീക്കണമെന്ന് ആവശ്യം. സമീപവീടിന്റെ മുകളിലേക്ക് വീണാൽ അപകടം ഉണ്ടാകുമെന്നാണ് പരാതി. വഴിയുടെ സമീപത്തുള്ള പത്തോളം വീട്ടുകാർ താലൂക്ക് വികസന സമിതിയിലും, നഗരസഭയ്ക്കും, തഹസിൽദാർക്കും പരാതി നൽകിയിട്ടും നടപടി ഉണ്ടാകുന്നില്ല എന്നാണ് പരാതി. മരം വെട്ടി മാറ്റാൻ നടപടി ഉണ്ടാകാത്തതിനാൽ മഴ ശക്തി പ്രാപിക്കുന്നതോടെ പ്രദേശവാസികൾ അപകടഭീതിയിലാണ് കഴിയുന്നതെന്നാണ് വീട്ടുകാർ പറയുന്നത്. ഗ്രീൻ ഗാർഡൻ -കാക്കോലി റോഡിലെ 10 വീട്ടുകാരാണ് പരാതിയുമായി രംഗത്ത് വന്നിരിക്കുന്നത്.