വൈക്കം: മൂത്തേടത്തുകാവ് ശ്രീഭഗവതി ക്ഷേത്രത്തിലെ നടതുറപ്പ് ദിനത്തിൽ ഭഗവതി ഭക്തിഗാന ആൽബം പ്രകാശനം നടന്നു. നടതുറപ്പ് മഹോത്സവത്തോട് അനുബന്ധിച്ച് ഭക്തകവിയും പൂന്താനം ജ്ഞാനപ്പാന പുരസ്കാര ജേതാവുമായ വൈക്കം രാമചന്ദ്രൻ എഴുതിയ മൂത്തേടത്ത് കാവ് ഭഗവതി ഭക്തിഗാന ആൽബത്തിന്റെ പ്രകാശനമാണ് നടന്നത്.

ഭക്തിഗാന ആൽബ പ്രകാശനം ഇണ്ടംതുരുത്തിമന നീലകണ്ഠൻ നമ്പൂതിരി നിർവഹിച്ചു. ചടങ്ങിൽ എം.എൽ.എ കെ. ബിനിമോൻ മുഖ്യ അതിഥിയായിരുന്നു. ഗാന രചയിതാവ് വൈക്കം രാമചന്ദ്രൻ, ഹരിഹരൻ നമ്പൂതിരി, മുൻ ശബരിമല മേൽശാന്തി ഇടമന ദാമോദരൻ പോറ്റി, കേരള സാഹിത്യ സമാജം സംസ്ഥാന സെക്രട്ടറി പി സോമൻ പിള്ള തുടങ്ങിയവരും ഗാനപ്രകാശന ചടങ്ങിൽ പങ്കെടുത്തു.