തിരുവനന്തപുരം: ബി.ജെ.പി നിയമസഭ തെരഞ്ഞെടുപ്പിനുള്ള പ്രകടന പത്രിക പുറത്തിറക്കി. കേരളത്തിൽ എയിംസ് യാഥാർഥ്യമാക്കുമെന്നാണ് പ്രകടന പത്രികയിലെ പ്രധാന വാഗ്ദാനം. തിരുവനന്തപുരത്തും കോഴിക്കോടും മെട്രോ റെയിൽവേ പദ്ധതി നടപ്പാക്കുമെന്നും പത്രികയിലുണ്ട്. തിരുവനനന്തപുരം മുതൽ കണ്ണൂർ വരെയുള്ള അതിവേഗ പാത യാഥാർഥ്യമാക്കുമെന്നും ഓരോ വീടിനും പ്രതിമാസം 20000 ലിറ്റർ സൗജന്യ കുടിവെള്ളം, ക്ഷേമ പെൻഷൻ 3000 രൂപ, നിർധന കുടുംബങ്ങൾക്ക് വർഷത്തിൽ രണ്ട് എൽ.പി.ജി സിലിണ്ടർ സൗജന്യം, സംസ്ഥാനത്തെ ദേവസ്വം ബോഡുകൾ പുനഃസംഘടിപ്പിക്കും തുടങ്ങിയ പ്രഖ്യാപനവും, ശബരിമല സ്വർണക്കൊള്ള കേസ് സി.ബി.ഐ അന്വേഷിക്കുമെന്നും പത്രികയിലുണ്ട്.