വൈക്കം: കുട്ടികളിൽ വളർന്നു വരുന്ന മൊബൈൽ ഫോൺ ദുരുപയോഗത്തിനെതിരെ വൈക്കം താലൂക്ക് ലീഗൽ സർവീസ്സസ് അതോറിറ്റിയുമായി ചേർന്ന് മറവൻതുരുത്ത് സർക്കാർ യു.പി. സ്കൂളിൽ ബോധവൽക്കരണ ക്ലാസ്സ്‌ നടത്തി. പാനൽ ലോയർ കെ.വി. ഷീബ ക്ലാസ് നയിച്ചു. പൊതുവിദ്യാഭ്യാസ വകുപ്പ് ആവിഷ്കരിച്ച് നടപ്പിലാക്കുന്ന സ്നേഹം 2026 ഡിജിറ്റൽ വാരാചരണ സമാപനത്തിന്റെ ഭാഗമായാണ് സ്കൂൾ പി.ടി.എ നേതൃത്വത്തിൽ ക്ലാസ് സംഘടിപ്പിച്ചത്. ചടങ്ങിൽ പി.ടി.എ പ്രസിഡന്റ്‌ അഡ്വ.പി.ആർ പ്രമോദ് അധ്യക്ഷത വഹിച്ചു. അധ്യാപകൻ ബോബി ജോസ് സ്വാഗതവും പി.ടി.എ വൈസ് പ്രസിഡന്റ്‌ വി.പി. ജയകുമാർ നന്ദിയും പറഞ്ഞു. അധ്യാപകരായ ആതിര ശശികുമാർ, സൗമ്യ സദാനന്ദൻ, ജ്യോതി ലക്ഷ്മി, സ്മിത, നിയമ വിദ്യാർത്ഥിനി അനന്യ, രമാവിനോദ് എന്നിവരും ക്ലാസിന് നേതൃത്വം നൽകി.