തലയോലപ്പറമ്പ്: തലയോലപ്പറമ്പ് മേജർ തിരുപുരം ശ്രീകൃഷ്ണസ്വാമി ക്ഷേത്രത്തിൽ 10 ദിവസങ്ങളിലായി നടന്ന അഷ്ടമംഗല പ്രശ്നപരിഹാര കർമ്മങ്ങളും അഷ്ടബന്ധ കലശവും ഭക്തിനിർഭരമായി. പത്താം ദിവസമായ വ്യാഴാഴ്ച രാവിലെ 8.13 നും 10.24 മധ്യേ ദീപപ്രഭയാൽ ധന്യമായ പവിത്ര മുഹൂർത്തത്തിൽ അഷ്ടബന്ധ
സ്ഥാപനം നടന്നു. തന്ത്രി മനയത്താറ്റ്മന ചന്ദ്രശേഖരൻ നമ്പൂതിരി മുഖ്യകാർമികത്വം വഹിച്ചു. മേൽശാന്തി എം.എസ്. സുനിൽകുമാർ, പ്രകാശൻ നമ്പൂതിരി, ഹരികൃഷ്ണൻ നമ്പൂതിരി, മണിക്കുട്ടൻ നമ്പൂതിരി, വടശ്ശേരി പരമേശ്വരൻ നമ്പൂതിരി എന്നിവർ സഹകാർമികത്വം വഹിച്ചു. അഷ്ടബന്ധ സ്ഥാപനം, തുടർന്ന് നടന്ന ബ്രഹ്മകലശാഭിഷേകം എന്നിവ ദർശിക്കുന്നതിനായി നൂറുകണക്കിന് ഭക്തജനങ്ങളാണ് ക്ഷേത്ര സന്നിധിയിൽ എത്തിച്ചേർന്നത്.