ചെമ്മനത്തുകര ശ്രീനാരായണേശ്വരപുരം ശ്രീ സുബ്രഹ്‌മണ്യ സ്വാമി ക്ഷേത്രത്തില്‍ ഉത്സവം കൊടിയേറി
വൈക്കം: ചെമ്മനത്തുകര ശ്രീനാരായണേശ്വരപുരം സുബ്രഹ്‌മണ്യസ്വാമി ക്ഷേത്രത്തിലെ ശിവരാത്രി മഹോത്സവത്തിന് തിങ്കളാഴ്ച രാവിലെ ശിവഗിരിമഠം ശിവനാരായണ തീര്‍ത്ഥ സ്വാമികള്‍ കൊടിയേറ്റി. മേല്‍ശാന്തി രൂപേഷ് ശാന്തി, ചെമ്മനത്തുകര ഷിബു ശാന്തി എന്നിവര്‍ സഹ കാര്‍മ്മികരായിരുന്നു. കൊടിയേറ്റിന് മുന്നോടിയായി വിവധ ദേശങ്ങളില്‍ നിന്നും പുറപ്പെട്ട ഇളനീര്‍ തീര്‍ത്ഥയാത്ര ക്ഷേത്രത്തില്‍ എത്തിയശേഷമാണ് കൊടിയേറ്റ് ചടങ്ങ് നടത്തിയത്. കലശാഭിഷേകം, കരിക്ക് അഭിഷേകം എന്നിവയും നടത്തി. കൊടിയേറ്റിനുശേഷം ക്ഷേത്രം നടയില്‍ എസ്.എന്‍.ഡി.പി. യൂണിയന്‍ പ്രസിഡന്റ് പി.വി. ബിനേഷ് ദീപം തെളിയിച്ചു. ക്ഷേത്രം പ്രസിഡന്റ് വി.വി. വേണുഗോപാല്‍, വൈസ് പ്രസിഡന്റ് നിതീഷ് പ്രകാശ്, സെക്രട്ടറി ടി.ആര്‍. രമേഷന്‍ എന്നിവര്‍ നേതൃത്വം നല്‍കി. ഉച്ചയ്ക്ക് പ്രസാദം ഊട്ട് വൈകിട്ട് ദേശതാലപ്പൊലി, വിളക്കിന് എഴുന്നള്ളിപ്പ് എന്നിവയും നടന്നു. വിവധ ദിവസങ്ങളില്‍ ശ്രീബലി, പ്രസാദ കഞ്ഞി, താലപ്പൊലി, നൃത്തനാടകം, ഗാനമേള, കാഴ്ചശ്രീബലി, കാവടിവരവ്, കാവടി അഭിഷേകം, പള്ളിപുറപ്പാട്, പള്ളിവേട്ട, സ്വര്‍ണക്കാവടി, വെള്ളിക്കാവടി, കാഴ്ചശ്രീബലി, ശിവരാത്രി ദര്‍ശനം, നൃത്തനൃത്യങ്ങള്‍, കരോക്കെ ഗാനമേള, ആറാട്ട് ബലി, ആറാട്ട് പുറപ്പാട്, വലിയ കാണിക്ക, പിതൃതര്‍പ്പണം എന്നിവ പ്രധാന പരിപാടികളാണ്.
Comments ()