പെട്രോളിയം ഉൽപ്പന്നങ്ങളുടെ വിലവർദ്ധനവ്: സി.പി.എം പ്രതിഷേധ മാർച്ചും ധർണ്ണയും സംഘടിപ്പിച്ചു

തലയോലപ്പറമ്പ്: പെട്രോൾ, ഡീസൽ, പാചകവാതകം എന്നിവയുടെ വില അടിക്കടി വർദ്ധിപ്പിച്ചുകൊണ്ട് സാമാന്യ ജനങ്ങളുടെ ജീവിതഭാരം വർദ്ധിപ്പിക്കുന്ന കേന്ദ്രസർക്കാർ നടപടികൾക്കെതിരെ സി.പി.എം തലയോലപ്പറമ്പ് ഏരിയ കമ്മറ്റിയുടെ നേതൃത്വത്തിൽ തലയോലപ്പറമ്പ് പോസ്റ്റ് ഓഫീസിന് മുൻപിലേക്ക് പ്രതിഷേധ മാർച്ചും ധർണ്ണയും സംഘടിപ്പിച്ചു. പി. കൃഷ്ണപിള്ള സ്മാരക മന്ദിരത്തിന് മുമ്പിൽ നിന്നും പ്രതിഷേധ മാർച്ച് ആരംഭിച്ചു.

പോസ്റ്റ് ഓഫീസിനു മുന്നിൽ നടന്ന പ്രതിഷേധ ധർണ സി.പി.എം ജില്ലാ സെക്രട്ടറിയേറ്റ് അംഗം പി.വി സുനിൽ ഉദ്ഘാടനം ചെയ്തു. ഏരിയ സെക്രട്ടറി ഡോ.സി.എം കുസുമൻ അധ്യക്ഷനായി. ജില്ലാ കമ്മിറ്റി അംഗം കെ. ശെൽവരാജ്, ഏരിയാ കമ്മിറ്റി അംഗങ്ങളായ പി.വി ഹരിക്കുട്ടൻ, ടി.എൻ സിബി, കെ.ബി രമ, രഞ്ജുഷ ഷൈജി, വി.ടി പ്രതാപൻ, ഗ്രാമപഞ്ചായത്ത് പ്രസിഡന്റുമാരായ സാജിത യൂസഫ്, ആരതി വിനയൻ, മഹിളാ അസോസിയേഷൻ ഏരിയ പ്രസിഡന്റ് ജയ അനിൽ, ഡി.വൈ.എഫ്.ഐ നേതാക്കളായ ആർ. രോഹിത്, എസ്. സന്ദീപ് ദേവ്, എസ്.എഫ്.ഐ. ജില്ലാ കമ്മിറ്റി അംഗം അമലേന്ദു ദാസ് എന്നിവർ സംസാരിച്ചു.