ചരമവാർഷിക ദിനാചരണം

തലയോലപ്പറമ്പ്: തലയോലപ്പറമ്പ് ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ സത്യഗ്രഹ സമര സേനാനിയും കോൺഗ്രസ് നേതാവും മുൻ എം..എൽ.എ യുമായിരുന്ന കെ.ആർ. നാരായണൻ്റെ അൻപത്തിരണ്ടാമത് ചരമവാർഷിക ദിനാചരണം നടന്നു. അനുസ്മരണ സമ്മേളനം കെ.പി.സി.സി. നിർവ്വാഹക സമിതി അംഗം പി.ആർ. സോന ഉദ്ഘാടനം ചെയ്തു. സാമൂഹ്യ മാറ്റത്തിന് വേണ്ടി ത്യാഗോജ്വലമായ പ്രവർത്തനങ്ങൾ നടത്തിയ മനുഷ്യസ്നേഹി ആയിരുന്നു കെ.ആർ.നാരായണനെന്ന് സോന പറഞ്ഞു.കേരളത്തിലെ പൊതുവായ സാമൂഹിക പരിഷ്കരണത്തിനു വേണ്ടി പ്രവർത്തിക്കുന്നതിനോടൊപ്പം തലയോലപ്പറമ്പിന്റെ സമഗ്ര വികസനത്തിനും അദ്ദേഹം നിസ്തുലമായ സംഭാവനകൾ നൽകിയ വ്യക്തിത്വമായിരുന്നു കെ.ആർ. നാരായണൻ. ബ്ലോക്ക് പ്രസിഡൻ്റ് എം.കെ.ഷിബു അധ്യക്ഷത വഹിച്ചു. മോഹൻ ഡി ബാബു അനുസ്മരണ പ്രഭാഷണം നടത്തി. എൻ.എം. താഹ, ബി. അനിൽക്കുമാർ, പി.വി.പ്രസാദ്, അഡ്വ. പി.പി. സിബിച്ചൻ, അഡ്വ. എ.സനീഷ് കുമാർ, കെ. സിയാദ് ബഷീർ, എം.ജെ. ജോർജ്, കെ.ഡി. ദേവരാജൻ, കെ.ജെ. സണ്ണി, മോഹൻ കെ. തോട്ടുപുറം, കുര്യാക്കോസ് തോട്ടത്തിൽ, വി.സി. ജോഷി, എസ്. ശ്യാംകുമാർ, കെ.കെ. കൃഷ്ണകുമർ, എസ്. ജയപ്രകാശ്, ആർ. അനീഷ്, പി.വി. സുരേന്ദ്രൻ, പ്രമോദ് സുഗുണൻ, വിജയമ്മ ബാബു, കെ. ബിനിമോൻ, അനിത സുഭാഷ്, സി.ജി. ബിനു, ബാബു പൂവനേഴൻ, കുമാരി കരുണാകരൻ, പോൾ സെബാസ്റ്റ്യൻ, ജയേഷ് മാമ്പള്ളി, സീതു ശശിധരൻ, സിന്ധു ഷാജി, വി.ജെ. ബാബു എന്നിവരും ചടങ്ങിൽ പങ്കെടുത്തു.