തലയോലപ്പറമ്പ്: ദേവസ്വം ബോര്‍ഡ് കോളേജ് ഐ.ക്യു.എ.സിയുടെ നേതൃത്വത്തില്‍ രസതന്ത്രം, ഗണിതശാസ്ത്രം, മലയാളം വിഭാഗങ്ങളുടെ സഹകരണത്തോടെ സയന്‍സ് ഫോറവുമായി ചേര്‍ന്ന് പൗരാണിക ഗണിതത്തിന്റെ കേരള സ്റ്റോറി എന്ന വിഷയത്തില്‍ സെമിനാര്‍ സംഘടിപ്പിച്ചു. ഇ- ലേണിങ് സെന്ററില്‍ നടത്തിയ പരിപാടി പ്രിന്‍സിപ്പാള്‍ ഡോ.ആര്‍. അനിത ഉദ്ഘാടനം ചെയ്തു. ഐ.ക്യു.എ.സി കോ-ഓര്‍ഡിനേറ്റര്‍ ഡോ.ജി. ഹരി നാരായണന്‍ അധ്യക്ഷത വഹിച്ചു. ഇരിഞ്ഞാലക്കുട സെന്റ് ജോസഫ് കോളേജിലെ മലയാള വിഭാഗം അധ്യാപിക ക്യാപ്റ്റന്‍ ലിറ്റി ചാക്കോ മുഖ്യപ്രഭാഷണം നടത്തി. ഗണിതശാസ്ത്ര വിഭാഗം മേധാവി ലിനി മറിയം മാത്യു, മലയാള വിഭാഗം മേധാവി ഡോ.വി. മഞ്ജു, രസതന്ത്ര വിഭാഗം മേധാവി കെ.എം. സരിത എന്നിവര്‍ പ്രസംഗിച്ചു.