ഗർഭിണി മരിച്ച സംഭവത്തിൽ വൻ വഴിത്തിരിവ്

കോഴിക്കോട്: പേരാമ്പ്രയിൽ കാറിന് തീപിടിച്ച് പിൻ സീറ്റിലിരുന്ന ഗർഭിണി മരിച്ച സംഭവത്തിൽ വൻ വഴിത്തിരിവ്. മരിച്ച സോന പെട്രോൾ പമ്പിൽ നിന്ന് പെട്രോൾ കന്നാസിൽ വാങ്ങുന്ന ദൃശ്യം പോലീസിന് ലഭിച്ചു. ഇതോടെ തീപിടിത്തം ആസൂത്രിതമെന്നാണ് പൊലീസ് നൽകുന്ന സൂചന. ഇത് കേന്ദ്രീകരിച്ചും പൊലീസ് അന്വേഷണം നടത്തുകയാണ്. വാഹനത്തിൻ്റ തകരാർ അല്ല തീപിടിത്തത്തിന് കാരണമെന്ന് പരിശോധനയിൽ വ്യക്തമായിരുന്നു. തീ പടർന്നത് എൻജിനിൽ നിന്നല്ല എന്നും മോട്ടോർ വാഹന വകുപ്പിൻ്റെ പരിശോധനയിൽ ബോധ്യമായി. കാറിൽ പെട്രോളുമായി പോകവേയായിരുന്നു തീപിടിത്തമെന്നാണ് സൂചന. ഇത് ആസൂത്രിതമെന്നാണ് സംശയം ഉയരുന്നത്. ഭർത്താവുമായുള്ള ജീവിതത്തിൽ സോനക്ക് പ്രശ്നങ്ങൾ ഉണ്ടായിരുന്നതായി സൂചനകളും പുറത്ത് വരുന്നുണ്ട്.