പാലക്കാട്: ഒറ്റപ്പാലത്ത് 243 ഗ്രാം ഹാഷിഷ് ഓയിൽ കടത്തിക്കൊണ്ടുവന്ന ലക്ഷദ്വീപ് നിവാസികളായ മുഹമ്മദ് ഹഫീസ് ഖാൻ (36), മുഹമ്മദ് ഷെഫീക്ക് (38) എന്നിവരെ അറസ്റ്റ് ചെയ്തു. ഒറ്റപ്പാലം എക്സൈസ് റെയ്ഞ്ച് ഇൻസ്പെക്ടർ എ. വിപിൻ ദാസും പാർട്ടിയും ചേർന്ന് നടത്തിയ പരിശോധനയിലാണ് കേസ് കണ്ടെടുത്തത്. പാർട്ടിയിൽ എക്സൈസ് അസിസ്റ്റന്റ് എക്സൈസ് ഇൻസ്പെക്ടർ എൻ.കെ. വിനോദൻ അസിസ്റ്റന്റ് എക്സൈസ് ഇൻസ്പെക്ടർ( ഗ്രേഡ്) എ.സജീവ്, പ്രിവന്റീവ് ഓഫീസർ(ഗ്രേഡ്) മാരായ ആനന്ദ്.കെ, ഭവദാസൻ. കെ, കെ.പി. രാജേഷ്, സിവിൽ എക്സൈസ് ഓഫീസർ ഡ്രൈവർ ലൂക്കോസ്.കെ.ജെ, വനിത സിവിൽ എക്സൈസ് ഓഫീസർ ഐശ്വര്യ. എ എന്നിവർ പരിശോധനയിൽ പങ്കെടുത്തു.