ഹർത്താൽ: 27 കേസുകൾ എടുത്തു

കോട്ടയം: ദളിത് സംഘടനകൾ സംസ്ഥാനത്ത് നടത്തിയ ഹർത്താലിൽ 27 കേസുകൾ എടുത്തായി സംസ്ഥാന പോലീസ് മേധാവി ഹൈക്കോടതിയിൽ അറിയിച്ചു. വിവിധ അനിഷ്ട സംഭവങ്ങളിൽ101 പേരെ അറസ്റ്റ് ചെയ്തു.

ഇന്ന് ഹർത്താലിനിടെ ഉണ്ടായ അനിഷ്ട സംഭവങ്ങളിൽ സ്വമേധയ കേസ് എടുക്കാൻ ഹൈക്കോടതി ഉത്തരവിട്ടിരുന്നു. ഹർത്താലിനിടെ രോഗികളെ അടക്കം തടഞ്ഞത് വിമർശനത്തിന് ഇടയാക്കിയിരുന്നു. കോട്ടയം ജില്ലയിൽ വൈക്കത്തടക്കം വാഹനം തടഞ്ഞ് 10 മിനിറ്റിനു ശേഷമാണ് പ്രതിഷേധക്കാർ വിട്ടയച്ചത്. എന്നാൽ പലപ്പോഴും യാത്രക്കാരുമായി തർക്കവും ഉണ്ടായി. ഇത് വ്യാപകമായി ഉണ്ടായതാണ് വിമർശനത്തിനിടയാക്കിയത്.വൈക്കത്ത് കെ.എസ്.ആർ.ടി.സി സർവീസുകൾ അടക്കം ബസ്റ്റാൻഡിനു മുന്നിൽ തടഞ്ഞ ശേഷം ആയിരുന്നു പ്രതിഷേധക്കാർ വിട്ടയച്ചത്.