ഹിന്ദു ഏകതാ സമ്മേളനം; സ്വാഗതസംഘം രൂപീകരിച്ചു

വൈക്കം: ഹിന്ദു ഏകതാ സമ്മേളനത്തിനു മുന്നോടിയായി വൈക്കത്ത് സ്വാഗതസംഘം രൂപീകരിച്ചു. വൈക്കം സമൂഹമഠം ഹാളിൽ നടന്ന ചടങ്ങിൽ ധീവരസഭ ജില്ലാ പ്രസിഡൻ്റ് ശിവദാസ് നാരായണൻ മുഖ്യപ്രഭാഷണം നടത്തി. ഹൈന്ദവ കൂട്ടായ്മയും ഐക്യവും ഈ കാലഘട്ടത്തിൻ്റെ മുഖ്യ ആവശ്യമായി തീർന്നിരിക്കുകയാണെന്നും ഇതിനായി നമ്മൾ ശക്തമായ പ്രവർത്തനം നടത്തണമെന്നും അദ്ദേഹം പറഞ്ഞു. യോഗത്തിൽ,ആർ.എസ്.എസ് വിഭാഗ് സമ്പർക്ക പ്രമുഖ് എ..വി. ഉണ്ണികൃഷ്ണൻ, എം.ജി. സോമനാഥ്, വൈക്കം മഹാദേവക്ഷേത്രം മേൽശാന്തി ടി.ഡി. നാരായണൻ നമ്പൂതിരി എന്നിവർ പ്രസംഗിച്ചു. മുഖ്യരക്ഷാധികാരി വൈക്കം മഹാദേവക്ഷേത്രം മേൽശാന്തി ടി.ഡി. നാരായണൻ നമ്പൂതിരിയേയും
രക്ഷാധികാരിയായി ധീവരസഭ ജില്ലാ പ്രസിഡന്റ് ശിവദാസ് നാരായണനേയും തിരഞ്ഞെടുത്തു. വൈസ് പ്രസിഡൻ്റുമാരായി അഡ്വ. ശ്രീകല, ഒ. മോഹനകുമാരി, വാർഡ് കൗൺസിലർ ഗിരിജാകുമാരി, ജനറൽ കൺവീനർമാരായി ജിഷ്ണു, ആനന്ദ് കെ, അനീഷ്. ആർ, ട്രഷറർ പി. പ്രകാശൻ, മീഡിയ ഇൻ ചാർജ് എ.എച്ച് സനീഷ് എന്നിവരെ തിരഞ്ഞെടുത്തു.