വൈക്കം: ഹോമിയോ ആയുഷ് പ്രാഥമിക കേന്ദ്രത്തിന്റെ നേതൃത്വത്തിൽ നഗരസഭയിലെ രണ്ട് വാർഡുകളുടെ ആഭിമുഖ്യത്തിൽ സൗജന്യ ഹോമിയോ മെഡിക്കൽ ക്യാമ്പും,
ബോധവൽക്കരണ ക്ലാസും നടത്തി. 23,26 വാർഡുകൾ നടത്തിയ ക്യാമ്പും ബോധവൽക്കരണ ക്ലാസ്സും നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർമാൻ സോണി സണ്ണി ഉദ്ഘാടനം ചെയ്തു.

നഗരസഭ അംഗം അംബിക രാജേന്ദ്രൻ അദ്ധ്യക്ഷത വഹിച്ചു. നഗരസഭ അംഗം അനിൽകുമാർ ചീഫ് മെഡിക്കൽ ഓഫീസർ ഡോക്ടർ എസ്. വീണ, ഡോക്ടർ ജെസ്സി രേഖ എന്നിവരും പങ്കെടുത്ത പരിപാടിയിൽ കുറിച്ചി ജില്ലാ ഹോമിയോ ആശുപത്രിയിലെ ഡോക്ടർ കെ.ആർ ദിവ്യ ബോധവൽക്കരണ ക്ലാസ് എടുത്തു.