ഹോട്ടലുകൾക്ക് പാചകവാതക വിതരണം വേണ്ടെന്ന് ഉത്തരവ്

കോട്ടയം: ഹോട്ടലുകൾക്ക് പാചകവാതക വിതരണം വേണ്ടെന്ന് കേന്ദ്രസർക്കാർ ഉത്തരവ്. പശ്ചിമേഷ്യയിലെ യുദ്ധത്തിൻറെ സാഹചര്യത്തിൽ പാചകവാതക പ്രതിസന്ധി ഒഴിവാക്കാനായി ഗാർഹിക ഉപഭോക്താക്കൾക്ക് മാത്രം നൽകിയാൽ മതിയെന്നാണ് കേന്ദ്രസർക്കാരിന്റെ ഉത്തരവിൽ പറയുന്നത്. ഗാർഹിക ഉപഭോക്താക്കൾക്ക് മാത്രമാണ് പാചകവാതകം നൽകുന്നതെന്ന് പാചകവാതക വിതരണ കമ്പനികൾ ഉറപ്പുവരുത്തണം എന്നാണ് ഈ അസാധാരണ ഉത്തരവിൽ പറയുന്നത്. ഇതോടെ ഹോട്ടൽ വ്യവസായം കടുത്ത പ്രതിസന്ധിയിലേക്ക് നീങ്ങുകയാണ്.