ഇന്ത്യൻ പ്രസിഡന്റിൽ നിന്നും അവാർഡ് നേടിയ അതിഥി കൃഷ്ണദാസിനെ ആദരിച്ചു

വൈക്കം: ഹരിതാ റസിഡൻസ് അസോസിയേഷന്റെ നേതൃത്വത്തിൽ ലോക വനിതാ ദിനാചരണവും വനിതാ സ്വയം പ്രതിരോധ പരിശീലനവും നടത്തി. പി. കൃഷ്ണപിള്ള ലൈബ്രറി സ്മാരക ഹാളിൽ നടന്ന യോഗത്തിൽ ഇന്ത്യൻ പ്രസിഡന്റ്  ദ്രൗപതി മുർമ്മുവിൽ നിന്നും ഏറ്റവും നല്ല അനിമേറ്റഡ്  ഷോർട്ട് ഫിലിം സംവിധായികക്കുള്ള ദേശീയ അവാർഡ് നേടിയ അതിഥി കൃഷ്ണദാസിനെ ആദരിച്ചു. വിവധ രംഗങ്ങളിൽ കഴിവ് തെളിയിച്ച ഹരിതാ റെസിഡൻസ് അസോസിയേഷനിലെ ഡോ: സീബ മോൾ, ജയലക്ഷ്മി ജീവൻ, ശശികല ദേവദാസ്, ഷൈനി അനിമോൻ ചാണ്ടി, കെ.ജെ.സുജാത എന്നിവരെയും പുരസ്‌കാരങ്ങൾ നൽകി ആദരിച്ചു. കേരള പൊലീസിലെ കോട്ടയം നാർക്കോട്ടിക് സെല്ലിൽ നിന്നുള്ള സിവിൽ പൊലീസ് ഓഫീസർമാരായ പി.ശിശിരമോൾ, എൻ.എസ്. നിത്യാദാസ്, എസ്.പി. പ്രസീത എന്നിവർ വനിതകൾക്ക് സ്വയം പ്രതിരോധ പരിശീലനം നൽകി. പ്രസിഡന്റ് ജീവൻ ശിവറാം അദ്ധ്യക്ഷത വഹിച്ചു. സെക്രട്ടറി പി.എം. സന്തോഷ് കുമാർ, വൈസ് പ്രസിഡന്റ് നന്ദു ലാൽ, പി.എം. സുനിൽ കുമാർ, ആർ. രാജേഷ്, സി.ഒ. അബ്രഹാം, എൻ.എച്ച്. ഹരീഷ്, പി. ഗിരീഷ്, കെ. രാജപ്പൻ, വി. മുരളീധരൻ, ടി.എം. ശ്രീകുമാർ, അമൽ ദിലീപ് എന്നിവർ പ്രസംഗിച്ചു.