ജനനീ ആരോഗ്യ സമിതി യോഗം

വൈക്കം: ഉദയനാപുരം ഫാമിലി ഹെൽത്ത് സെൻ്ററിൻ്റെ പരിധിയിലുള്ള വടക്കേ മുറി ജനകീയാരോഗ്യകേന്ദ്രത്തിൻ്റെ 5,6,7,8 വാർഡുകൾ കേന്ദ്രീകരിച്ചുള്ള ജനനീ ആരോഗ്യ സമിതി യോഗം നടന്നു. മൺസൂൺ കാല രോഗപ്രതിരോധത്തിൻ്റെ ഭാഗമായി ക്ലോറിനേഷൻ ഉൾപ്പെടെയുള്ള പ്രവർത്തനങ്ങൾ നടത്താൻ യോഗത്തിൽ തീരുമാനിച്ചു. പഞ്ചായത്ത് പ്രസിഡൻ്റ് കെ.ജി. രാജു യോഗം ഉദ്ഘാടനം ചെയ്തു. വികസന കാര്യസ്റ്റാൻഡിംഗ് കമ്മറ്റി ചെയർമാൻ കെ. ദീപേഷ് പഞ്ചായത്ത് അഗങ്ങളായ വി. ബിൻസ്, സാബു മാളിയേക്കൽ, പി.ആർ. ദേവലാൽ, പബ്ലിക് ഹെൽത്ത് നേഴ്‌സ് ദിവ്യ എന്നിവരും യോഗത്തിൽ പങ്കെടുത്തു.