ജി. സുധാകരനെ യു.ഡി.എഫ് പിന്തുണയ്ക്കുമെന്ന് സൂചന

ആലപ്പുഴ: അമ്പലപ്പുഴയിൽ ജി. സുധാകരനെ യു.ഡി.എഫ് പിന്തുണയ്ക്കുമെന്ന് സൂചന. സി.പി.എം വിട്ട് മുൻമന്ത്രി ജി. സുധാകരൻ സ്വതന്ത്രനായി മത്സരിക്കാൻ തീരുമാനിച്ചിരുന്നു. വെള്ളപ്പള്ളി നടേശനുമായി സുധാകരൻ കൂടി കാഴ്ച നടത്തി. സുകുമാരൻ നായരെയും കാണും. സുധാകരൻ കോൺ​ഗ്രസ് നേതാക്കളുമായി സംസാരിച്ചിരുന്നുവെങ്കിലും അമ്പലപ്പുഴയിലെ പിന്തുണ യു.ഡി.എഫ് പരസ്യമായി പ്രഖ്യാപിച്ചിരുന്നില്ല. സുധാകരനുള്ള പിന്തുണ കഴിഞ്ഞ ദിവസങ്ങളിൽ യു.ഡി.എഫ് നേതാക്കൾക്കിടയിൽ ചർച്ചയായിരുന്നു. നേതാക്കൾ സുധാകരനുമായും ചർച്ച നടത്തി. സുധാകരനും പിന്തുണ സ്വീകരിക്കാൻ തയ്യാറായതോടെയാണ് അമ്പലപ്പുഴയിലെ പിന്തുണ പരസ്യമായി പ്രഖ്യാപിക്കുമെന്ന വിവരങ്ങൾ പുറത്ത് വരുന്നത്.