കെ. ബിനിമോൻ്റെ പ്രചരണപരിപാടി മൂന്നാംഘട്ടം പൂർത്തിയാക്കി

വൈക്കം: വൈക്കം നിയോജക മണ്ഡലത്തിലെ യു.ഡി.എഫ് സ്ഥാനാർത്ഥി കെ. ബിനിമോന്റെ മൂന്നാംഘട്ട തിരഞ്ഞെടുപ്പ് പ്രചരണ പരിപാടി പൂർത്തിയാക്കിയതിന്റെ സമാപന സമ്മേളനം വല്ലകം ജംഗ്ഷനിൽ നടത്തി.
180 ബൂത്തുകൾ കേന്ദ്രീകരിച്ചുള്ള പ്രചരണത്തിൽ ഓരോ കോർണറുകളിലും പ്രചരണയോഗം നടത്തി. വല്ലകം ജംഗ്ഷനിൽ നടന്ന സമാപന സമ്മേളനം കെ.പി.സി.സി മെമ്പർ മോഹൻ ഡി. ബാബു ഉദ്ഘാടനം ചെയ്തു. മണ്ഡലം പ്രസിഡന്റ് തോമസ് നാൽപതിൽചിറ അദ്ധ്യക്ഷത വഹിച്ചു. മറിയ ഉമ്മൻ മുഖ്യപ്രഭാഷണം നടത്തി. യു.ഡി.എഫ് നേതാക്കളായ എൻ.എം. താഹ, എം.കെ. ഷിബു, ബി. അനിൽകുമാർ, പി.വി. പ്രസാദ്, അഡ്വ. ജയിംസ് കടവൻ, വി. ബിൻസ്, ശ്രീരാമചന്ദ്രൻ, ഇ.കെ. ജോസ് എന്നിവർ പ്രസംഗിച്ചു.