കാർ നിയന്ത്രണം വിട്ട് കലുങ്കിലിടിച്ച് തകർന്നു

വൈക്കം: വെച്ചൂരിൽ അഞ്ചുമന പാലത്തിന് സമീപം കാർ നിയന്ത്രണം വിട്ട് കലുങ്കിലിടിച്ച് തകർന്നു. വയോധികൻ ഓടിച്ച കാറാണ് അപകടത്തിൽപെട്ടത്. ഓടിച്ചയാൾ പരിക്കേൽക്കാതെ രക്ഷപ്പെട്ടു. പഞ്ചായത്ത് അംഗം സുരേഷ്‌കുമാറും നാട്ടുകാരും ചേർന്നാണ് ഇയാളെ പുറത്തിറക്കിയത് അപകടകാരണം വ്യക്തമല്ല. കാറിൻ്റെ മുൻ ഭാഗം പാടെ തകർന്നു.