കാളിയമ്മനടയിൽ കളമെഴുത്തും പാട്ടും
വൈക്കം: തെക്കേനട കാളിയമ്മനട ഭദ്രകാളിക്ഷേത്രത്തിലെ മീനഭരണി മഹോത്സവത്തിലെ പ്രധാന ചടങ്ങായ ഭദ്രകാളിയുടെ കളമെഴുത്തുംപാട്ടും എതിരേല്‍പ്പും തുടങ്ങി. ഉത്സവത്തിന്റെ ഓരോ ദിവസങ്ങളിലും ഭദ്രകാളിയുടെ വിവധരൂപങ്ങള്‍ വരച്ചാണ് കളമെഴുത്തും പാട്ടും നടത്തുന്നത്. എല്ലാ ദിവസവും എതിരേല്‍പ്പും കോല്‍വിളക്കും താലവും എഴുന്നള്ളിക്കുന്നതും ചടങ്ങിന്റെ ഭാഗമാണ്. ക്ഷേത്രത്തിന്റെ തെക്കുവശത്താണ് കളമെഴുതി പാട്ടുനടത്തുന്നത്. ക്ഷേത്രം തന്ത്രി വേഴപ്പറമ്പ്മന പരമേശ്വരന്‍ നമ്പൂതിരി, മേല്‍ശാന്തി നിബിന്‍ ഉണ്ണി, വെളിച്ചപ്പാട് എം. ജയന്‍, ക്ഷേത്രം പ്രസിഡന്റ് കെ. പുരുഷോത്തമന്‍, വൈസ് പ്രസിഡന്റ് എസ്. ധനഞ്ജയന്‍, സെക്രട്ടറി വി.കെ. നടരാജന്‍ ആചാരി, വി.ആര്‍. രാധാകൃഷ്ണന്‍ ഇല്ലിക്കല്‍, കെ. ബാബു എന്നിവര്‍ നേതൃത്വം നല്‍കി.
Comments ()