വൈക്കം: വേമ്പനാട്ട് കായലിന്റെ സംരക്ഷണം ആവശ്യപെട്ട് ഹിന്ദു ഐക്യവേദി വേമ്പനാട്ട് കായല്‍ സംരക്ഷണ സമിതിയുടെ നേതൃത്വത്തില്‍ നടത്തുന്ന കായല്‍ സംരക്ഷണ യാത്രയ്ക്ക് വൈക്കം ബോട്ട് ജോട്ടി മൈതാനത്ത് സ്വീകരണം നല്‍കി. അരൂരില്‍ നിന്നും പുറപ്പെട്ട കായല്‍ സംരക്ഷണ യാത്രയ്ക്ക് വിവധ കേന്ദ്രങ്ങളില്‍ സ്വീകരണം നല്‍കി. കായല്‍ സംരക്ഷണ സമിതി ചെയര്‍മാന്‍ എസ്. സുബ്രഹ്‌മണ്യന്‍ മൂസത് ക്യാപ്റ്റനായും കായല്‍ സംരക്ഷ സമിതി രക്ഷാധികാരി കെ. ഗുപ്തന്‍ വൈസ് ക്യാപ്റ്റനുമാണ്. കാട്ടിക്കുന്ന്, ഉദയനാപുരം, വൈക്കം, വെച്ചൂര്‍ തുടങ്ങിയ മേഖലകളില്‍ സ്വീകരണം നല്‍കി. ബോട്ട് ജെട്ടി മൈതാനത്ത് സ്വീകരണ സമ്മേളനത്തില്‍ ജാഥ ക്യാപ്റ്റന്‍ എസ്. സുബ്രഹ്‌മണ്യന്‍ മൂസത്, വൈസ് ക്യാപ്റ്റന്‍ കെ. ഗുപ്തന്‍, പി.ജി. ബിജുകുമാര്‍, ഹിന്ദു ഐക്യവേദി സംസ്ഥാന പ്രസിഡന്റ് ഇ.എസ്. ബിജു, കെ.കെ. മണിലാല്‍, കെ.എന്‍. വാസന്‍, എസ്. ചന്ദ്രശേഖരൻ, കെ.ജി. മുരളീധര കുറുപ്പ്, അഡ്വ. വി. പത്മനാഭന്‍, പി.സി. രാജേഷ്, കെ.വി. ശിവന്‍ എന്നിവര്‍ പ്രസംഗിച്ചു.