ഇരു കൈകളും ബന്ധിച്ച് വേമ്പനാട്ടുകായൽ നീന്തിക്കയറാൻ എട്ടുവയസ്സുകാരൻ

വൈക്കം: ചെറുപ്രായത്തിൽ തന്നെ അസാധാരണ കഴിവ് തെളിയിച്ച് ശ്രദ്ധേയനാവുകയാണ് അഭയദേവ്. എം എന്ന വിദ്യാർത്ഥി. നീന്തൽ രംഗത്തെ മികച്ച പ്രകടനത്തിന്റെ അടിസ്ഥാനത്തിൽ യൂണിവേഴ്സൽ ബുക്ക് ഓഫ് വേൾഡ് റെക്കോർഡ് അംഗീകാരം നേടാൻ ഒരുങ്ങുകയാണ് ഈ മിടുക്കൻ.
മെയ് 16ന് രാവിലെ ആലപ്പുഴ ജില്ലയിലെ ചേർത്തല കര്യത്തു കടവിൽ നിന്നും കോട്ടയം ജില്ലയിലെ വൈക്കം ബീച്ച് വരെയുള്ള 12 കിലോമീറ്റർ ദൂരം ഇരുകൈകളും ബന്ധിച്ച് വേമ്പനാട്ടുകായൽ നീന്തി കടക്കുകയാണ് ഈ 8 വയസ്സുകാരൻ. വൈക്കം തെക്കേനട മാറാനൂർ വീട്ടിൽ മന്മഥൻ രമ്യ ദമ്പതികളുടെ മകനായ അഭയദേവ് എം ഗവൺമെന്റ് യുപി സ്കൂൾ അയ്യർകുളങ്ങരയിലെ മൂന്നാം ക്ലാസ് വിദ്യാർത്ഥിയാണ്.