കെ. അജിത്ത് നാളെ നാമനിർദേശക പത്രിക സമർപ്പിക്കും
വൈക്കം: വൈക്കം നിയോജക മണ്ഡലം എൻ.ഡി.എ സ്ഥാനാർത്ഥി കെ അജിത്ത് നാളെ നാമനിർദേശക പത്രിക സമർപ്പിക്കും. വൈക്കം കച്ചേരിക്കവലയിലെ എൻ.ഡി.എ ഇലക്ഷൻ കമ്മറ്റി ഓഫീസിൽ നിന്നും ആയിരത്തിലധികം വരുന്ന പ്രവർത്തകരുടെ പ്രകടനത്തോടെ വൈക്കം താലൂക്ക് ഓഫീസിൽ രാവിലെ 11 മണിക്ക് വരണാധികാരിക്ക് മുൻപിൽ നാമനിർദേശ പത്രിക സമർപ്പിക്കും. സ്ഥാനാർത്ഥിക്ക് തെരഞ്ഞെടുപ്പിൽ കെട്ടിവക്കാനുള്ള തുക കോവിലകത്തുംകടവ് മത്സ്യ മാർക്കറ്റിലെ ബി.എം.എസ് മത്സ്യതൊഴിലാളികൾ രാവിലെ 7 മണിക്ക് മാർക്കറ്റിൽ വച്ച് കൈമാറും. നാമനിർദ്ദേശക പത്രിക സമർപ്പണത്തിന് എൻ.ഡി.എയുടെ സംസ്ഥാന, ജില്ലാ നേതാക്കളും പങ്കെടുക്കും.
Comments ()