കെ. ബിനിമോൻ്റെ സത്യപ്രതിജ്ഞ നാളെ

വൈക്കം: വി.ഡി സതീശന്റെ നേതൃത്വത്തിലുള്ള യു.ഡി.എഫ് സർക്കാരിൻ്റെ ഭാഗമായി വൈക്കത്തെ നിയമസഭാ അംഗം കെ. ബിനിമോൻ നാളെ സത്യപ്രതിജ്ഞ ചെയ്യും. എൽ.ഡി.എഫ് കോട്ട തകർത്ത് വിജയം നേടിയ തലയെടുപ്പുമായാണ് വൈക്കം എം.എൽ.എയായി ബിനിമോൻ നാളെ സത്യപ്രതിജ്ഞ ചെയ്യുന്നത്.

രാവിലെ 9 മണിക്കാണ് എം.എൽ.എമാരുടെ സത്യപ്രതിജ്ഞ ചടങ്ങ് തുടങ്ങുന്നത്. വൈക്കം തലയാഴം ആലുങ്കൽ പടവിൽ വീട്ടിൽ നിന്ന് കെ. ബിനിമോൻ ഭാര്യ ജോളിയക്കും മക്കളായ ഭാഗ്യശ്രീയ്ക്കും ഭവ്യശ്രീയ്ക്കുമൊപ്പം തിരുവനന്തപുരത്തേയ്ക്ക് യാത്ര പുറപ്പെട്ടു.