വൈക്കം: കാലിൽ നൂലുമായി കേബിളിൽ കുടുങ്ങിയ പ്രാവിന് രക്ഷകരായി വ്യാപാരികളും ഓട്ടോ ഡ്രൈവർമാരും.

വൈക്കം പടിഞ്ഞാറെ ഗോപുരത്തിന് സമീപമായിരുന്നു ഇന്ന് രാവിലെ പത്ത് മണിയോടെ രാവിലെ പ്രാവ് റോഡിന് നടുവിൽ മുകളിലൂടെ വലിച്ച കേബിളിൽ കുടുങ്ങിയത്. പ്രാവ് പത്ത് മിനിറ്റിലധികം കേബിളിൽ കുരുങ്ങി ചിറകടിക്കുന്നത് കണ്ട് ഓട്ടോറിക്ഷ ഡൈവർമാർ ഓടിയെത്തി. അതുവഴി വന്ന ഒരു ലോറി തടഞ്ഞു നിർത്തി. സമീപത്തെ പലചരക്ക് വ്യാപാരിയായ മഹേഷിന്റെ കടയിൽ നിന്ന് ഒരു പട്ടിക എടുത്തു കൊണ്ടുവന്നു. മറ്റൊരു വ്യാപാരിയായ ബാലകൃഷ്ണ കമ്മത്ത് ലോറിക്ക് മുകളിൽ കയറി വടികൊണ്ട് കേബിളിലെ കുരുക്ക് നീക്കിയതോടെയാണ് പ്രാവ് ചിറകടിച്ച് പറന്ന് പോയത്.