കേന്ദ്ര ബഡ്ജറ്റിനെതിരെ പ്രതിഷേധം
വൈക്കം: കേന്ദ്ര ബഡ്ജറ്റിൽ കേരളത്തെ പൂർണ്ണമായി അവഗണിച്ചതിൽ അധ്യാപകരും ജീവനക്കാരും എഫ്.എസ്.ഇ.ടി.ഒയുടെ നേതൃത്വത്തിൽ പ്രതിഷേധ പ്രകടനം നടത്തി. വൈക്കം മിനി സിവിൽ സ്റ്റേഷനിൽ എഫ്.എസ്.ഇ.ടി.ഒ വൈക്കം താലൂക്ക് സെക്രട്ടറി വി.കെ വിപിനൻ ഉദ്ഘാടനം ചെയ്തു. കേരള എൻ.ജി.ഒ. യൂണിയൻ വൈക്കം ഏരിയ പ്രസിഡൻ്റ് പി.ആർ. സരീഷ്കുമാർ അധ്യക്ഷത വഹിച്ചു. കെ.എസ്.ടി.എ. ജില്ലാ എക്സിക്യൂട്ടിവ് അംഗം ബിനു കെ. പവിത്രൻ, കേരള എൻ.ജി.ഒ യൂണിയൻ വൈക്കം ഏരിയ സെക്രട്ടറി റഫീഖ് പാണംപറമ്പിൽ, കെ.ജി.ഒ.എ വൈക്കം ഏരിയ സെക്രട്ടറി കെ മനോജ് എന്നിവർ സംസാരിച്ചു.
Comments ()