കൊറിയർ സ്ഥാപനത്തിൽ യുവതിയുടെ ആക്രമണം

ചെമ്പ്: കൊറിയർ നൽകുന്നതിൽ വീഴ്ച യുണ്ടായെന്ന് പറഞ്ഞ് കൊറിയർ ഓഫീസിൽ ജീവനക്കാരിയെ തല്ലി. കുലശേഖരമംഗലം സ്വദേശി അപർണ്ണയാണ് ആക്രമണം നടത്തിയത്.

ആക്രമണത്തിൻ്റെ സി.സി.ടി.വി ദൃശ്യങ്ങൾ പുറത്ത് വന്നു. മർദ്ദനം ചോദ്യം ചെയ്ത കൊറിയർ സ്ഥാപനത്തിൻ്റെ ഉടമയുടെ വയോധികനായ അച്ഛനെയും യുവതി മർദ്ദിച്ചു. ഇന്നലെ വ്യാഴാഴ്ച വൈകിട്ട് ചെമ്പിലെ കൊറിയർ സ്ഥാപനത്തിലാണ് യുവതിയുടെ ആക്രമണം ഉണ്ടായത്. മറവൻതുരുത്ത്കാരി ഫിദയേയും സ്ഥാപന ഉടമയുടെ പിതാവ് ബേബി നാഥിനേയുമാണ് യുവതി അടിച്ചത്. അപർണ്ണയുടെ അടിയിൽ മൂക്കിന് പരിക്കേറ്റ് ഫിദ ചികിൽസതേടി കുലശേഖരമംഗലം സ്വദേശി അപർണ്ണക്കെതിരെ യുവതിയും സ്ഥാപന ഉടമയും പരാതി നൽകി.