ഈ സ്കൂളിൽ പാമ്പില്ല ... അപേക്ഷ നൽകണം വനം വകുപ്പിന്

കോട്ടയം: പാമ്പ് വിമുക്ത സ്കൂൾ എന്ന സർട്ടിഫിക്കറ്റിനായി ഏപ്രിൽ ഏഴിനു മുമ്പ് അപേക്ഷിക്കണം. സ്‌കൂളുകൾ പാമ്പുശല്യത്തിൽ നിന്ന് സുരക്ഷിതം എന്ന നിരാക്ഷേപപത്രത്തിനാണ് അപേക്ഷ നൽകേണ്ടത്. ജില്ലയിലെ സ്‌കൂളുകൾ പാമ്പുകളിൽനിന്നു സുരക്ഷിതമാണ് എന്ന് ഉറപ്പാക്കാനും പരിശോധന നടത്താനും ഫിറ്റ്‌നെസ് സർട്ടിഫിക്കറ്റിനുമായാണ് വനം വകുപ്പിൽ നിന്നുമുള്ള നിരാക്ഷേപ പത്രത്തിനായി സ്‌കൂൾ അധികാരികൾ ഏപ്രിൽ ഏഴിനു മുമ്പായി അപേക്ഷ നൽകേണ്ടത്. കോട്ടയം ജില്ലാ സാമൂഹ്യ വനവൽക്കരണ വിഭാഗം അസിസ്റ്റന്റ് ഫോറസ്റ്റ് കൺസർവേറ്റർകക്കാണ് അക്ഷക്ഷേ സമർപ്പിക്കേണ്ടത്. അപേക്ഷ കോട്ടയം ജില്ലാ സാമൂഹ്യ വനവൽക്കരണ വിഭാഗം അസിസ്റ്റന്റ് ഫോറസ്റ്റ് കൺസർവേറ്ററുടെ ഓഫീസിൽ നേരിട്ടോ തപാൽ മുഖേനേയോ acfsfktm@gmail.com, acf.sf-ktym.for@kerala.gov.in എന്നീ ഇ-മെയിൽ വിലാസത്തിലോ സമർപ്പിക്കാം. എല്ലാ സർക്കാർ/ എയ്ഡഡ്/ അൺ എയ്ഡഡ് വിദ്യാലയങ്ങളും ഫിറ്റ്‌നസ് സർട്ടിഫിക്കറ്റിനായി വനം വകുപ്പിന്റെ നിരാക്ഷേപപത്രത്തിനായി അപേക്ഷ നൽകണം. കൂടുതൽ വിവരങ്ങൾക്ക് ഫോൺ: 0481-2310412