വൈക്കം: കെ.പി.എം.എസ് 1353 വൈക്കം ടൗൺ ശാഖയുടെ കുടുംബസംഗമം നടന്നു. യോഗത്തിൽ ശാഖ പ്രസിഡന്റ് ശിവദാസൻ അദ്ധ്യക്ഷത വഹിച്ചു. പാർശ്വവൽക്കരിക്കപ്പെട്ട ജനവിഭാഗങ്ങളുടെ സമഗ്രവികസനത്തിന് ജാതി സെൻസസ് അനിവാര്യമാണെന്ന് യോഗം ഉദ്ഘാടനം ചെയ്തുകൊണ്ട് വൈക്കം യൂണിയൻ സെക്രട്ടറി കെ. മോഹനൻ പറഞ്ഞു. ശാഖാ സെക്രട്ടറി പി.കെ. സാലു സ്വാഗതം ആശംസിച്ചു. വൈക്കം യൂണിയൻ പ്രസിഡന്റ് തങ്കമ്മ ഭാസ്കരൻ, അസിസ്റ്റന്റ് സെക്രട്ടറി കെ.കെ. അനിൽകുമാർ, രമണൻ കെ.കെ, ബാബു തോട്ടിച്ചിറ, സിന്ധു ജയേഷ് എന്നിവർ പ്രസംഗിച്ചു.