കൂട്ടുമ്മേൽ ഭഗവതി ക്ഷേത്രത്തിൽ കൊടിയേറി

വൈക്കം: കുലശേഖരമംഗലം കൂട്ടുമ്മേൽ ഭഗവതി ക്ഷേത്രത്തിലെ ഉത്സവത്തിന്  കൊടിയേറി. തന്ത്രിമാരായ ഭദ്രകാളി മറ്റപ്പള്ളി നാരായണൻ നമ്പൂതിരി, കിഴക്കിനേടത്ത് മേക്കാട് ചെറിയ മാധവൻ നമ്പൂതിരി, മേൽശാന്തി ഹരിഹരൻ നമ്പൂതിരി എന്നിവർ കാർമ്മികത്വം വഹിച്ചു. ഫെബ്രുവരി 3 ന് നടക്കുന്ന ആറാട്ടോടെ ഉൽസവം സമാപിക്കും. ഫെബ്രു. 1 ന് പകൽപ്പൂരവും 2 ന് വലിയ വിളക്കും നടക്കും. 28 ന് രാവിലെ 5.30 ന് പാരായണം 8 ന് ശ്രീബലി 10 ന് കലശാഭിഷേകം വൈകിട്ട് 5.30 ന് കാഴ്ച ശ്രീബലി 6.45 ന് തിരുവാതിര 7.15 ന് ഓട്ടൻ തുള്ളൽ 8.15 ന് ഭക്തി ഗാനമേള 9.15 ന് വിളക്ക്. 29 ന് രാവിലെ 5.30 മുതൽ പാരായണം 8 ന് ശ്രീബലി, 9 ന് ശ്രീഭൂതബലി 10 ന് കലശാഭിഷേകം വൈകിട്ട് 6.30 ന് അരയൻകാവ് ചിന്തുപാട്ട് സംഘത്തിന്റെ ചിന്തുപാട്ട് 8 ന് കൊച്ചി നടനയുടെ നാടകം 'അക്ഷര തെറ്റുകൾ, 8.15 ന് വിളക്ക്.