കൂവളത്തില താലപ്പൊലി ഭക്തി സാന്ദ്രം
വൈക്കം: വൈക്കം മഹാദേവ ക്ഷേത്രത്തില്‍ ശിവരാത്രി ഉത്സവത്തോടനുബന്ധിച്ച് പട്ടാര്യസമാജത്തിന്റെയും വനിതാ സമാജത്തിന്റെയും നേതൃത്വത്തില്‍ നടത്തിയ കുവളത്തില താലപ്പൊലി ഭക്തി നിര്‍ഭരമായി. ഞായറാഴ്ച വൈകിട്ട് പടിക്കല്‍ ഭഗവതി ക്ഷേത്രത്തില്‍ പൂജകള്‍ നടത്തി താലങ്ങളില്‍ കൂവളത്തില നിറച്ച് പൂജകള്‍ നടത്തിയശേഷമാണ് താലപ്പൊലി ക്ഷേത്രത്തിലേയ്ക്ക് പുറപ്പെട്ടത്. കരയോഗം പ്രസിഡന്റ് മോഹന്‍ പുതുശ്ശേരി, സെക്രട്ടറി എം.വി. ശിവകുമാര്‍, വനിതാ സമാജം പ്രസിഡന്റ് സ്മിതാ സുധീര്‍, സെക്രട്ടറി സീമ സന്തോഷ്, വിജി ചന്ദ്രശേഖരന്‍, ഉഷ ഗോവിന്ദന്‍ എന്നിവര്‍ നേതൃത്വം നല്‍കി. വൈകിട്ട് ക്ഷേത്രത്തില്‍ പ്രദക്ഷിണം വെച്ച ശേഷം കൂവളത്തില താലങ്ങള്‍ ക്ഷേത്ര നടയില്‍ സമര്‍പ്പിച്ചു.
Comments ()