അധ്യാപകർ സാമൂഹിക മാറ്റത്തിൻ്റെ ചാലക ശക്തിയാകണം: അഡ്വ മോൻസ് ജോസഫ് എം.എൽ.എ

വൈക്കം: ലക്ഷ്യബോധമുള്ള തലമുറയെ വാർത്തെടുക്കുക വഴി പുരോഗമനാത്മകമായ സാമൂഹിക മാറ്റത്തിൻ്റെ ചാലകശക്തിയായി അധ്യാപക സമൂഹം മാറണമെന്ന് മുൻ മന്ത്രി അഡ്വ മോൻസ് ജോസഫ് എം.എൽ.എ പറഞ്ഞു. വൈക്കം ശ്രീ മഹാദേവ ടീച്ചർ ട്രെയിനിംഗ് ഇൻസ്റ്റിറ്റ്യൂട്ടിലെ അധ്യാപക പരിശീലകരുടെ ദ്വൈവാര സമൂഹ സമ്പർക്ക സഹവാസ ക്യാമ്പിൻ്റെ ഉദ്‌ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം. ഇൻസ്റ്റിറ്റ്യൂട്ട് പ്രിൻസിപ്പാൾ ബി. മാധുരിദേവി അധ്യക്ഷത വഹിച്ചു. കോളേജ് ഡയറക്ടർ പി.ജി.എം നായർ കാരിക്കോട് മുഖ്യ പ്രഭാഷണം നടത്തി. പതിനഞ്ച് ദിവസം നീണ്ടു നിൽക്കുന്ന ക്യാമ്പിൽ നാടക ശില്പശാല, കഥകളി സോദാഹരണ പ്രദർശനം, വ്യക്തിത്വ വികാസ ക്ലാസ്സ്, ഉല്പന്ന നിർമ്മാണ പരിശീലനം, ഒറിഗാമി, കരകൗശല വസ്തുക്കളുടെ നിർമ്മാണം, പ്രാദേശിക ഭൂപട നിർമ്മാണം, ക്യാമ്പസ് സൗന്ദര്യ വത്ക്കരണം, കാർഷിക വിജ്ഞാന ബോധവത്ക്കരണവും കൃഷി പരിശീലനവും, വിവിധ വിഷയങ്ങളെ അടിസ്ഥാനമാക്കിയുള്ള ക്ലാസ്സുകൾ, സെമിനാറുകൾ, പാർലമെൻ്റ്, കലാ-സാംസ്ക്കാരിക പരിപാടികൾ തുടങ്ങിയവ ഉണ്ടായിരിക്കുന്നതാണ്. കോളേജ് മാനേജർ ബി. മായ, എം. സേതു, മേരി എംജി മോൾ, കവിതാ ജോസ്, ആഷാ ഗിരീഷ്, അൽഫോൺസ കെ.ബി, അഭിരാമി എസ്, അശ്വതി പവിത്രൻ തുടങ്ങിയവർ പ്രസംഗിച്ചു.