തിങ്കളാഴ്ച മന്ത്രിസഭ അധികാരമേൽക്കും

തിരുവനന്തപുരം: തിങ്കളാഴ്ച രാവിലെ 10 മണിക്ക് യു.ഡി.എഫ് മന്ത്രിസഭ അധികാരമേൽക്കും. മുഴുവൻ ക്യാബിനറ്റ് അംഗങ്ങളും സത്യപ്രതിജ്ഞ ചെയ്യും. രമേശ് ചെന്നിത്തലയും മന്ത്രിസഭയിലുണ്ടാകും. ഗ്രൂപ്പിലെ മറ്റൊരാൾക്കും കൂടി മന്ത്രിസ്ഥാനം വേണമെന്ന നിർദ്ദേശത്തോടെയാണ് രമേശ് ചെന്നിത്തലയുടെ മന്ത്രിസഭ പ്രവേശനം. മന്ത്രിസഭ രൂപീകരണ ചർച്ചകൾ നാളെ തുടരും. മന്ത്രിമാരുടെ വകുപ്പുകൾ നാളെ വൈകിട്ട് പ്രഖ്യാപിക്കും. ഇന്നത്തെ യു.ഡി.എഫ് യോഗം പൂർത്തിയായി.

കേരളത്തിൻ്റെ പതിനാറാം നിയമസഭയുടെ ആദ്യസമ്മേളനം മേയ് മാസം 21-ാം തീയതി ചേരും. പുതിയ അംഗങ്ങളുടെ സത്യപ്രതിജ്ഞ അന്ന് നടക്കും. 22-ാം തീയതിയാകും സ്പീക്കർ തിരഞ്ഞെടുപ്പ്. മേയ് 29-ന് ഗവർണറുടെ നയപ്രഖ്യാപനവും നടത്തും.