വൈക്കം: വിവാദമായ മദ്യത്തിന് പേരിടലിന് ഹൈകോടതിയുടെ സ്റ്റേ. പരസ്യം നൽകിയത് തങ്ങളല്ലെന്ന് പറഞ്ഞ് പരസ്യത്തിൽ നിന്ന് ബെവ്കോ കൈ ഒഴിഞ്ഞിരുന്നു. മലബാർ ഡിസ്റ്റലറിയോട് കോടതി വിശദീകരണം തേടി. പുതുതായി ഉല്പാദിപ്പിക്കുന്ന മദ്യത്തിന് പേരിടൽ മത്സരത്തിന് പരസ്യം നൽകിയത് ബെവ് കൊ അല്ലന്ന് സത്യവാങ്ങ് മൂലം നൽകിയതിന് പിന്നാലെയാണ് കോടതിയുടെ സ്റ്റേ. നിലവിൽ മദ്യ ഉത്പാദനത്തിൽ ഏർപ്പെട്ടിട്ടില്ലെന്നു മായിരുന്നു ബെവ്കോ കോടതിയിൽ നൽകിയ സത്യവാങ്മൂലത്തിലെ വിശദീകരണം. ബെവ്കോയുടെ പേരിൽ വന്ന പരസ്യം ഏറെ വിവാദമായിരുന്നു. പരസ്യത്തെ തുടർന്ന് പുതുതായി ഉത്പാദിപ്പിക്കുന്ന മദ്യത്തിന് നിരവധി പേരുകളും നാട്ടുകാരുടെ നിർദ്ദേശങ്ങളായി പേരിടീൽ മൽസരത്തിൽ ലഭിച്ചിരുന്നു. പരസ്യം മദ്യപാനത്തെ പ്രോത്സാഹിപ്പിക്കുന്നതല്ലേ എന്ന ചോദ്യമുയർത്തി കോടതി വിശദീകരണം ആവശ്യപ്പെട്ടിരുന്നു. ഇതിൽ നൽകിയ സത്യവാങ്മൂലത്തിലാണ് പരസ്യം തങ്ങളേതല്ല എന്നും മദ്യ ഉത്പാദനത്തിൽ ഏർപ്പെട്ടിട്ടില്ല എന്നും പിന്നെയെങ്ങനെ പുതിയ മദ്യത്തിന് പേരിടൽ പരസ്യം നൽകുമെന്നും കാണിച്ച് ബെവ് കോ സത്യവാങ്മൂലം നൽകിയത്. തുടർന്നാണ് പേരിടീൽ ഹൈക്കോടതി സ്റ്റേ ചെയ്തത്.