നഗര ശുചീകരണത്തിന് നാളെ തുടക്കമാകും

വൈക്കം: ജനകീയ പങ്കാളിത്തത്തോടെ വൈക്കം നഗരസഭ നടപ്പാക്കുന്ന നഗര ശുചീകരണത്തിന് നാളെ തുടക്കമാകുന്നു. നാളെ രാവിലെ വൈക്കം കായലോര ബീച്ചിലാണ് നഗരസഭ ചെയർമാൻ അബ്ദുൽ സലാം റാവുത്തർ ശുചീകരണ യജ്ഞം ഉദ്ഘാടനം ചെയ്യുന്നത്. ജനപ്രതിനിധികൾ, നഗരസഭാ ജീവനക്കാർ, സന്നദ്ധ പ്രവർത്തകർ, തൊഴിലുറപ്പ് തൊഴിലാളികൾ എന്നിങ്ങനെ സമൂഹത്തിലെ എല്ലാ മേഖലയിലുള്ളവരെയും പങ്കെടുപ്പിച്ചു കൊണ്ടുള്ള ശുചീകരണമാണ് നഗരസഭ തുടങ്ങുന്നത്. വൃത്തിയുള്ള നാടിനായി നമുക്ക് കൈകോർക്കാം എന്ന മുദ്രാവാക്യവുമായി നഗരസഭ നഗര ശുചീകരണയജ്ഞം നടപ്പാക്കുന്നത്.