വൈക്കം: നഗരസഭ 14-ാം പഞ്ചവത്സര പദ്ധതി വാർഷികപദ്ധതി വികസന സെമിനാർ ശനിയാഴ്ച നടക്കും . 2026-27 വർഷത്തെ ജനകീയാസൂത്രണ പദ്ധതി രൂപീകരണവുമായി ബന്ധപ്പെട്ട് വാർഡ് സഭകളിൽ നിന്നും ലഭിച്ച നിർദ്ദേശങ്ങൾ ഉൾപ്പെടുത്തി വാർഷിക പദ്ധതി രൂപീകരിക്കുന്നതിനാണ് വൈക്കം സത്യാഗ്രഹ സ്‌മാരക ഹാളിൽ വികസന സെമിനാർ നടത്തുന്നത്. സെമിനാർ ചെയർമാൻ അബ്‌ദുൾസലാം റാവുത്തർ സെമിനാർ ഉത്ഘാടനം ചെയ്യും. വൈസ് ചെയർപേഴ്സൻ സൗദാമിനി അഭിലാഷ് അദ്ധ്യക്ഷത വഹിക്കും. വികസനകാര്യ സ്റ്റാൻഡിംഗ് കമ്മറ്റി ചെയർപേഴ്‌സൺ ബി. രാജശേഖരൻ കരടുപദ്ധതി രേഖ അവതരിപ്പിക്കും. ക്ഷേമകാര്യ സ്റ്റാൻഡിംഗ് കമ്മറ്റി ചെയർപേഴ്‌സൺ ഗീതാ പുരുഷൻ, ആരോഗ്യകാര്യ സ്റ്റാൻഡിംഗ് ചെയർമാൻ സോണി സണ്ണി, പൊതുമരാമത്ത് സ്റ്റാൻഡിംഗ് കമ്മറ്റി ചെയർപേഴ്‌സൺ കെ. ബി. ഗിരിജകുമാരി, വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ ഡി. രഞ്ജിത്ത്കുമാർ, ആസൂത്രണസമിതി ഉപാദ്ധ്യക്ഷൻ പി.ടി. സുഭാഷ് എന്നിവരും മറ്റ് നഗരസഭ കൗൺസിലർമാരും പങ്കെടുക്കും. ഗ്രൂപ്പ് ചർച്ച, വിവിധ വിഷയ ഗ്രൂപ്പുകൾ ചർച്ച ചെയ്‌ത് വർക്കിംഗ് ഗ്രൂപ്പ് കൺവീനർമാരുടെ നിർദ്ദേശങ്ങളുടെ അവതരണം എന്നിവയും നടക്കും.