ഒ.എൻ.വിയുടെ ഓർമ്മയ്ക്ക് ഒരു ദശകം: നവമാദ്ധ്യമ വെബിനാർ നടത്തി

വൈക്കം: ഒ.എൻ.വിയുടെ ഓർമ്മകൾക്ക് ഒരു ദശകം പിന്നിടുന്ന വേളയിൽ പുരോഗമന കലാസാഹിത്യ സംഘം കോട്ടയം ജില്ല നവമാധ്യമ സമിതിയുടെ നേതൃത്വത്തിൽ ഓൺലൈൻ അനുസ്മരണം സംഘടിപ്പിച്ചു. "കവി നിസ്വപക്ഷത്തിന്റെ കാവലാൾ" എന്ന വിഷയത്തിൽ നടന്ന വെബിനാർ കലാസാഹിത്യവും സംസ്ഥാന ജനറൽ സെക്രട്ടറി ഡോ.കെ.പി. മോഹനൻ ഉദ്ഘാടനം ചെയ്തു പുകസ ജില്ല സെക്രട്ടറി ആർ.പ്രസന്നൻ ആയിരുന്നു മോഡറേറ്റർ. ജില്ല പ്രസിഡൻറ് പി.ആർ. ഹരിലാൽ സ്വാഗത പ്രസംഗം നടത്തി. സംസ്ഥാന കമ്മിറ്റി അംഗവും ജില്ലാ നവമാദ്ധ്യമ സമിതി കൺവീനറുമായ അഡ്വ.അംബരീഷ്, സംസ്ഥാന കമ്മിറ്റി അംഗവും വനിതാ സാഹിതി ജില്ലാ സെക്രട്ടറിയുമായ പി.കെ. ജലജാമണി, ജില്ല കമ്മിറ്റി അംഗം ജോജി കൂട്ടുമ്മൽ, സംസ്ഥാന നവമാദ്ധ്യമ സമിതി സമിതി ജോയിൻ്റ് കൺവീനർ മുരളി എസ്. കുമാർ, എം.ഐ. ശശിധരൻ തുടങ്ങിയവർ ചർച്ചയിൽ പങ്കെടുത്തു. പു.ക.സ ജില്ല കമ്മിറ്റി അംഗം അർജുനൻ പിള്ള നന്ദി പറഞ്ഞു.