വൈക്കം: വടയാർ പുഴയിലും തോട്ടുവക്കം തോട്ടിലും സ്ഥാപിച്ച ഓരുമുട്ട് പൊളിച്ചു മാറ്റുന്നതിൽ ഇറിഗേഷൻ വകുപ്പിൻ്റെ അനാസ്ഥയെന്ന് പരാതി. വൈക്കം ഇറിഗേഷൻ വകുപ്പ് ഓഫീസ് ഉപരോധം നടത്തി ഉദയനാപുരം പഞ്ചായത്ത് ഭരണസമിതിയുടെ നേതൃത്വത്തിൽ പ്രതിഷേധം. ഓരുമുട്ട് പൊളിച്ചുനീക്കുന്നതിന് ഉടൻ നടപടി സ്വീകരിക്കുമെന്ന് ഇറിഗേഷൻ അസിസ്‌സ്റ്റൻ്റ് എൻജിനീയറുടെ ഉറപ്പ് കിട്ടിയതിറെ തുടർന്നാണ് പ്രതിഷേധം അവസാനിപ്പിച്ചതെന്ന് പഞ്ചായത്ത് പ്രസിഡൻ്റ് കെ.ജി രാജു അറിയിച്ചു. ഓരുമുട്ട് പൊളിക്കാത്തതിനാൽ പുഴ മാലിന്യം കെട്ടിക്കിടന്ന് പ്രദേശവാസികൾ ദുരിതമായി മാറിയിരുന്നു. വിഷയം അറിയച്ചതി നെ തുടർന്ന് കൃഷി - റവന്യൂ വകുപ്പുകൾ ഇറിഗേഷന് സമ്മതപത്രം നൽകിയിരുന്നു. എന്നിട്ടും ഓരുമുട്ട് നീക്കം ചെയ്യുന്നതിൽ ഇറിഗേഷൻ കാലതാമസം വരുത്തുന്നതിൽ യാതൊരു ന്യായീകരണവും ഇല്ലെന്നാണ് പഞ്ചായത്തിൻ്റെ പരാതി . പഞ്ചായത്ത് പ്രസിഡൻ്റ് കെ.ജി രാജുവിനെ കൂടാതെ വൈസ് പ്രസിഡൻ്റ് ബിന്ദു അനിൽകുമാർ ബ്ലോക്ക് പഞ്ചായത്ത് അംഗം എം.ജി രഞ്ജിത്ത് പഞ്ചായത്ത് അംഗങ്ങളായ വി. ബിൻസ്, ആജിഷ ഉദയകുമാർ, ഷൈലജ സതീശൻ തുടങ്ങിയവരും പ്രതിഷേധ പരിപാടിയിൽ പങ്കെടുത്തു.